DIRECT AID YISHYURIYE IMIRYANGO 609 UBWISUNGANE MU KWIVUZA

Kuwa 01 Nzeri 2026 Umuryango nterankunga wa Direct Aid Rwanda washyikirije Ubuyobozi bw’Akarere sheki y’amafaranga y’u Rwanda arenga miliyoni 11 ( 11,700,000Rwf ) aya mafaranga akaba yarishyuriwe mu Kwezi kwa Kanama 2026 ubwisungane mu kwivuza imiryango 609 igizwe n’abaturage bose hamwe 2,739 mu Mirenge itandukanye igize Akarere.  

Iyi gahunda yabereye mu Kagari ka Nteko Umurenge wa Mugina, ubuyobozi bw’Akarere bukaba hwari buhagarariwe n’Umuyobozi w’Akarere Dr. Nahayo Sylvere, naho ku ruhande rwa Direct Aid Rwanda hari Umuyobozi Mukuru w’uyu muryango mu Rwanda (Country Direct) Bwana Magdy KHATAB. 

Ubuyobozi bw’Akarere bwashyikirije kandi icyemezo cy’ishimwe uyu mufatanyabikorwa kubera ubufatanye bw’uyu muryango mu mibereho y’abatuye akarere ka Kamonyi.